琴日同老婆去左南沙玩..

  地铁加坐车 用左两个几钟..差唔多1点先去到...

地铁四号线好靓吖...有地铁以来第一次坐甘远既地铁 从晓港坐到去黄阁汽车城9蚊..

从新造站开始地铁全部系露天既...可以体到四周围既景色 鱼塘 田啊 山啊..好有大自然气息..

  而且地铁站好靓吖...系完全唔同市区既甘死板既  可能系露天既缘故啦..

从黄阁汽车城公交总站坐公交车 总站做到去另一个总站就系天后宫啦  全车程1个小时左右...

落车果时仲落紧大雨 超狼狈啊.. 行果段路去天后宫裤脚已经湿晒啦...

不过落雨系另一番景色...D山轻雾弥漫 D云好低啊 好有仙境既感觉啊

去到天后宫 首先紧系去行沙滩啦..

   无敌大海景..好壮观啊 仲可以体下虎门大桥...海既对面就系东莞啦..一边担住遮一边行沙滩..只鞋湿晒了

 行完沙滩上天后宫了...天后宫真系气势逼人...体图片系感受唔到果种气势嘎..天后宫依大角山而上 背山面海 左青龙..无敌既风水..后天娘娘石像对住个大海..好有寓意啊..

   天后宫一如去供奉既系千里眼 同顺风耳  就等于寺庙一入去供奉既系四大金刚咁..终于上到天后宫最高既地方啦 登埋南岭塔..真系唔会白辛苦  因为所有景色尽收眼底..咩都抵啦..之后仲体左清朝时建既大角山炮台.当年鸦片战争虎门要塞既第一道防线..

落山时又行多次海滩..咔咔...

之后去左水乡一条街..一个字 靓.. 古色古香 两旁柳树随风而飘   当年张国荣出九星报喜就系系度拍架啦 一切场景都系好熟悉 张国荣企过坐过既地方  每年哥哥既生忌死忌都好多fans黎哩度..可惜全部都人去楼空 而且因为要维修 略显荒凉..“人面不知何处去，桃花依旧笑春风”唔错唔错 我太有文采了..  夜晚坐车去金州镇训左一晚 第朝食完KFC 就翻黎啦...

   哩个小旅行真系好玩..咔咔 虽然天气并不是那么好..继续期待国庆的旅行...嘿嘿..

blog有好多相啊...大家有兴趣就体下啦